ДЕБАТА ЗА ИДНИНАТА НА НАТО И БАЛКАНОТ

Како дел од проектот „ Seeing is believing-Building Public Understanding of NATO & Resilience in the Balkans by bringing Macedonian and Montenegrin Journalists to Estonia“ организиран од Форум-ЦСИД во соработка со Johns Hopkins School of Advanced International Studies (SAIS)-Bologna Institute for Policy Research (BIPR), беше организирана дебатата „Иднината на НАТО и Балканот: Лекции од Естонија“ (Future of NATO and the Balkans: Lessons from Estonia) во просториите на Универзитетот Американ Колеџ Скопје. Проектот е координиран од Сашо Орданоски и Едвард П. Џозеф, поддржан од Мисијата на САД во НАТО.

Панелисти на дебатата беа Славјанка Петровска, Министерка за одбрана на Република Северна Македонија, д-р Томаш Јермалавичиус, раководител на студии во Меѓународниот центар за одбрана и безбедност (International Centre for Defense and Security ICDS) од Талин, Естонија и четворица македонски новинари, Слободанка Јовановска, Назим Рашиди, Драган Мишев и Борјан Јовановски, кои беа дел од Студиската посета на Естонија во декември 2023 година. Модератор на дебатата беше Сашо Орданоски.
Со нашите стручни панелисти разговаравме за иднината на НАТО на Балканот и новинарите го споделија своето искуство и заклучоците од нивната посета на Естонија и како НАТО функционира таму. Дебатата беше проследена на лице место од младински лидери и мрежа на студенти, како и онлајн од нивните колеги од Западен Балкан и САД кои се дел од проектот и кои се вклучија во дебатата за да ги споделат своите идеи.