КАКО ДО „ОСТРОВИ НА ИНТЕГРИТЕТ“ ВО ЛОКАЛНАТА САМОУПРАВА?

Проектот YOUTH ACTIVISM AGAINST CORRUPTION: ENGAGEMENT AND PARTICIPATION успеа да ја зголеми свесноста помеѓу многу млади луѓе да бидат активни во однос на борбата против корупцијата, како еден од најголемите проблеми во македонското општество. Најголем дел од активностите во проектот беа фокусирани на зајакнување на капацитетите на младите луѓе за соработка со јавните институции на локално и национално ниво, застапување за политики поврзани со борбата против корупцијата, надгледување на креирањето и спроведување на антикорупциските политики на јавните институции и промовирање на идеите на децентрализацијата.
Околу педесетина студенти, средношколци и членови на младински здруженија учествуваа на двете дводневни обуки во Скопје и Битола, каде обучувачи беа експертите за борба против корупцијата и за граѓански активизам на локално ниво, Борјан Ѓузелов и Борис Шарковски.
Во рамки на овој проект, истражувачот Борјан Ѓузелов во соработка со проектниот тим на Форум ЦСИД го подготви документот за политики со наслов КАКО ДО „ОСТРОВИ НА ИНТЕГРИТЕТ“ ВО ЛОКАЛНАТА САМОУПРАВА? -ПРЕКУ ГРАЃАНСКO УЧЕСТВО ВО ЛОКАЛНИ СОВЕТИ ЗА ЈАВЕН ИНТЕРЕС, во кој се опишуваат начините на кои локалните заедници и здруженија можат да бидат вклучени и да дадат придонес во борбата против корупцијата на локално ниво.
Овде можете да ја прочитате оваа публикација на македонски и албански јазик:
Dokument za javni politiki_Ostrovi na integritet_MK_01
Dokument za javni politiki_Ostrovi na integritet_ALB_02

Активностите на проектот YOUTH ACTIVISM AGAINST CORRUPTION: ENGAGEMENT AND PARTICIPATION се поддржан иод Механизмот за граѓанска отпорност на ЕУ, во рамки на проектот „Техничка поддршка за подобрување на овозможувачката средина за граѓанските организации во Република Северна Македонија“, финансиран од Европската Унија.