ДЕБАТА „ОДБРАНА ОД ДЕЗИНФОРМАЦИИ И САЈБЕР НАПАДИ: ЛЕКЦИИ ОД ЕСТОНИЈА И НАТО“

Втората дебата се одржа како дел од проектот „ Seeing is believing-Building Public Understanding of NATO & Resilience in the Balkans by bringing Macedonian and Montenegrin Journalists to Estonia“ организиран од Форум-ЦСИД во соработка со Johns Hopkins School of Advanced International Studies (SAIS)-Bologna Institute for Policy Research (BIPR). Дебатата беше на тема „Одбрана од дезинформации и сајбер напади: Лекции од Естонија и НАТО“ на Универзитетот на Црна Гора во Подгорица.

Дебатата беше модерирана од професорот Едвард П. Џозеф, професор во Џон Хопкинс SAIS и аналитичар за надворешна политика. Панелисти на дебатата беа професорот Срѓан Дармановиќ, професор на Универзитетот во Црна Гора и поранешен министер за надворешни работи на Црна Гора, Даријан Вујица, Центар за глобален ангажман на Стејт департментот, Љубомир Филиповиќ, експерт за дезинформации, Рудолф Беркес, политички аналитичар во Political Capital, и петте црногорски новинари Милка Тадиќ Мијовиќ, Михаило Јововиќ, Билјана Јовиќевиќ, Дамир Рамовиќ и Ања Ивановиќ, кои беа дел од посетата на Естонија во декември 2023 година.

Нашите експертски панелисти разговараа за предизвиците со дезинформациите и сајбер нападите и за тоа како НАТО може да игра улога во помагањето на земјите како Црна Гора и Северна Македонија да се справат со ваквите предизвици. Петте новинари кои беа дел од проектот ги споделија своите искуства од посетата на Естонија и начинот на кој НАТО функционира во земја со слични предизвици како Црна Гора и Северна Македонија. Дебатата ја вклучи и нашата младинска компонента составена од младински лидери и мрежа на студенти кои следеа и учествуваа на настанот, како и преку интернет.