Одржана е првата обука во рамки на проектот “Активни граѓани за добро владеење“.

Форум редакција — Thu, 30 Nov 2017 08:30:30 +0000

Форум – Центар за стратешки истражувања и документација од 24 – 26 ноември 2017 година, во Хотел Срна – Маврово, ја одржа обуката во рамки на проектот “Активни граѓани за добро владеење“.
Обуката ја отвори Соња Исмаил Огненоска, проектен менаџер, која им посака добродојде и успешна работилница на учесниците и ги информираше за целите на оваа обука, како и за логистиката на проектот. Првиот предавач планиран за првиот ден беше г-дин Ѓунер Исмаил кој говореше на тема Структура на општеството и местото на граѓанинот и граѓанскиот сектор во него. По неговото излагање следеше работа во групи и се разви добра дискусија на темата. Втората тема која што беше планирана за првиот ден беше Механизми за соработка на граѓаните со локалната администрација. Предавањето го одржа програмскиот директор на Центар за едукација и развој од теарце, а воедно и локален координатор за Полошки регион н на проектот „Активни граѓани за добро владеење“, М-р Астрит Реџепи.
Вториот ден го отвори експертот за децентрализација, г-дин Зоран Јачев на тема Како да се постигне транспарентност и отчетност на локалната самоуправа? После предавањето следеше работи во групи. Учесниците се поделија во две групи и ги одредија постапките и чекорите како до транспарентен буџет на една општина? По презентација на изработеното следуваше интересна дискусија помеѓу учесниците. Во втората половина од вториот ден следеше исто така интересна тема за дискусија и многу аткуелна, Неопходноста од вклученоста на граѓаните во процесите на донесување на одлуки, која што беше презентирана од новинарот и истражувач, г-дин Зоран Бојаровски. И за оваа тема следуваше работа во групи кде што учесниците идентификуваа проблеми во нивната заедница и ги идентификуваа чекорите за решавање на проблемите. Денот се затвори со презентирање на резултатите од групите и плодната дискусија од учесниците.

Третиот и последниот ден започна со излагање на Проф. Др. Мирјана Најчевска на тема Важноста на принципот на здружување за заедничка цел во демократските општества. Се отвори интересна дебата за начините на здружувања поврзани и со актуелната состојба во државата, а дебатата продолжи и во работата во групи. Учесниците имаа можност да слушнат и позитивни примери од граѓански иницијативи од граѓанските активисти Драган Додевски и Ивана Драгшиќ, кои споделија свое искуството на граѓански активизам во неколку граѓански иницијативи. Со тие примери се пренесе пораката дека влијанието на граѓанскиот сектор и граѓанскиот активизам е големо и многу значајно за општествените промени.
Обуката заврши со евалуација од страна на учесниците.

Информации за проектот „Активни граѓани за добро владеење“

Форум редакција — Wed, 29 Nov 2017 13:06:08 +0000

Здружението Форум – Центар за стратешки истражувања и документација од Скопје, во следните 3 години ќе го спроведува проектот „Активни граѓани за добро владеење“, кој се реализира во рамките на проектот на УСАИД за Граѓанско учество. Проектот „Активни граѓани за добро владеење“ ќе се спроведува во сите 8 Плански региони во Република Македонија, а веќе се отпочнати активностите во Полошкиот регион. ФОРУМ ЦСИД пред отпочнувањето на активностите, потпиша меморандуми за соработка со сите поголеми општини во планските региони, меѓу кои и со Општина Гостивар. Во секој од планските региони, ФОРУМ ЦСИД има своја партнерска организација, која ќе помага во реализирањето на предвидените активности.

Главна цел на овој проект е граѓаните да се информираат и поттикнат да влијаат на процесот на донесување одлуки на локално ниво.

Од предвидените активности, до сега се реализираше фокус група во Гостивар и работилница за слушатели од Полошкиот регион која се одржа од 24 до 26 ноември во Маврово.
Теми кои беа опфатени на работилницата се: соработката меѓу локалната администрација и граѓаните; стекнување вештини за мониторинг и евалуација на јавните услуги; соодветна едукација за спроведување на акции и иницијативи; мониторирање на буџетите на општините; транспарентност и отчетност на локалната самоуправа; структура на општеството и улогата на граѓанскиот сектор; добро владеење; човекови права; вмрежување на групи со заеднички интереси и други.

На оваа работилница учествуваа членови на граѓански организации од Полошкиот регион, претставници на локалните самоуправи во Полошкиот регион, претставници на младински здруженија, маргинализирани групи, образовни институции, медиуми, и други засегнати заедници од Полошкиот регион кои покажуваат интерес за проширување на своето знаење.

За проектот – ФОРУМ

Одржана е првата обука во рамки на проектот “Активни граѓани за добро владеење“.

Информации за проектот „Активни граѓани за добро владеење“