Вести – Активни граѓани – ФОРУМ

Промовиран Документ за јавни политики за непосредно учество на граѓаните во одлучувањето на локално ниво

Форум редакција — Wed, 30 Sep 2020 13:29:48 +0000

На 29 септември 2020 година, Форум – Центар за стратешки истражувања и документација (ЦСИД) од Скопје поддржан од Проектот на УСАИД за граѓанско учество промовираше “ДОКУМЕНТ ЗА ЈАВНИ ПОЛИТИКИ ЗА НЕПОСРЕДНО УЧЕСТВО НА ГРАЃАНИТЕ ВО ОДЛУЧУВАЊЕТО НА ЛОКАЛНО НИВО“. Документот е креиран врз основа на истражување за користењето на формите за непосредно учество на граѓаните во одлучувањето на локално ниво, кое Форум ЦСИД го спроведе во соработка со локални партнери од седум плански региони во рамки на активноста „Активни граѓани за добро владеење“.

Поголемиот дел од партнерите вклучени во оваа активност, се соочиле со проблемот на демотивација за активизам или недоволна верба во можноста граѓаните да влијаат на одлуките на властите. Причината за оваа појава, партнерите ја наоѓаат во законските одредби кои пропишуваат висок процент на потпишани граѓани за поддршка на граѓански иницијативи и други облици на непосредно одлучување на локално ниво. Токму заради овие причини, Документот за јавни политики содржи јасни препораки за поголемо и непосредно учество на граѓаните во одлучувањето, меѓу кои се :

намалување на цензусот за распишување референдум на локално ниво на најмногу 10% од регистрираните гласачи на ниво на единиците на локалната самоуправа;
намалување на цензусот или воопшто да не е потребен цензус за да некој референдум биде прогласен за успешен;
оставање на можност за собирање на потписи за иницирање собири на граѓани преку користење на обрасци добиени од Државната изборна комисија, но без обврска на граѓаните да одат во подрачна единица на Државната изборна комисија, туку потписите да ги собираат лица овластени од иницијаторите;
спроведување на нов попис, кој ќе го покаже реалниот број на населението;
поттикнување на свеста и потребата од перманентен граѓански ангажман по принципот на солидарност со секој ангажман што во себе содржи разумна цел.

Обука за учесници од Скопски регион

Форум редакција — Fri, 25 Sep 2020 17:41:23 +0000

На 22 септември 2020 се одржа еднодневна обука за учесници од Скопски плански регион во рамки на проектот „Активни граѓани за добро владеење“ во хотелот Белви во Скопје. На обуката организирана во вонредни услови, следејќи ги протоколите за безбедност и одржување растојание, учествуваа осум учесници, студенти и претставници на невладини организации од Скопје. Првото предавање Каде е граѓанинот на мапата на новото македонско општество го одржаа Ѓунер Исмаил, претседател на Форум ЦСИД проследено со вежбата: Што е добар граѓанин? По кратката пауза, следеше предавањето Како да се постигне транспарентност и отчетност на локалната самоуправа на Герман Филков, Претседател на Центар за граѓански комуникации, и третото предавање го одржа Борис Шарковски, програмски директор на Фонација за развој на локалната заедноца од Штип, кој говореше за Принципот на здружување како една од најважните алатки за граѓанскиот активизам.
Обуката, иако во редуцран формат, помина во одлична работна атмосфера, и го задржа вниманието на учесниците кои, според евалуациите, искажаа задоволство од наученото. Со оваа обука заврши циклусот на осум обуки во сите плански региони во Северна Македонија.

Три работилници за ментално здравје

Форум редакција — Fri, 25 Sep 2020 17:23:22 +0000

Родителите се соочуваат со огромен стрес и двоен предизвик како последица од пандемијата – Covid 19. Домот одеднаш стана и работно место и училница за многумина. Како главен модел за своите деца за справување со стресот и однесувањето низ оваа криза, грижата за себе и своето психо-физичко здравје треба да е на највисоко ниво, и секако може да се превенира овој период да не биде трауматско искуство, како за возрасните, така и за децата.
Во септември, Форум ЦСИД организираше три on-line работилници (вебинари), каде целни групи беа родителите и децата и нивното ментално здравје.
Првата работилница „Останете силни – Грижа за менталното здравје на родителите“ се одржа на 03.09.2020 година, на 10.09.2020 се одржа втората работилница „Моето дете, моето сè – детекција и справување со стрес, анксиозност и депресија кај деца и адолесценти“, а третата работилница „Од конфликт до поврзаност – како да го одржите и зајакнете контактот со вашите деца“ се одржа на 17.09.2020 година. на платформата Zoom.
Работилниците ги водеше М-р Ивана Хаџиванова Психолог, Гешталт Психотерапевт, основач на НЕОКОРТЕКС- Центар за психотерапија, психодијагностика, тренинг и едукација, преку платформата Zoom. Бројот на учесници беше ограничен на 100, избрани од апликациите примени преку обрасците на Google. Вебинарите беа промовирани на социјалните медиуми, преку настани на Фејсбук, каде што бројот на пријавени за учество или заинтересирани беше над 2.000 за секој настан. Според статистичките податоци, околу 95% од апликантите беа жени, а повеќето од нив на возраст помеѓу 35 и 45 години. Повратните информации и коментари по секој одржан вебинар беа одлични во однос на организацијата на вебинарите и стручноста на предавачот.
Бесплатните работилници наменети за родители се одржаа во рамки на проектот на Форум ЦСИД „Активни граѓани за добро владеење“ поддржан од Проектот на УСАИД за граѓанско учество.

Средношколците од Југоисточниот плански регион „Еднакви кон обврските“

Форум редакција — Mon, 09 Mar 2020 08:47:11 +0000

На 6 март 2020 година, граѓански активисти од Југоисточниот плански регион во соработка со „Планетум“ од Струмица и здружението Форум – Центар за стратешки истражувања и документација (ЦСИД) од Скопје, поддржани од Проектот на УСАИД за граѓанско учество, во Средното општинско училиште „Јане Сандански“ во Струмица организираа работилница „Еднакви кон обврските“ чија цел беше подобрување на родовата еднаквост меѓу младите, преку подобра усогласенот за обавување на домашните обврски. На истата тема, претходно беа одржани две работилници во Гевгелија и Богданци, во рамки на „Активни граѓани за добро владеење“, активност што ја спроведува Форум ЦСИД во соработка со локални граѓански организации.

„Работилниците покажаа дека голем дел од момчињата во овој регион не се навикнати да ги споделуваат секојдневните домашни обврски со останатите членови на семејството и дека им е потребно охрабрување да научат да ги завршуваат основните домашни обврски за кои постојат предрасуди дека им припаѓаат само на женските членови на семејството, како што се пеглањето, готвењето, миењето садови, перењето алишта или чистењето на домот. Затоа сме особено горди на овие млади активисти кои изминативе недели работеа со средношколците од овој регион и ги мотивираа да се заинтересираат за важните прашања поврзани со родовата еднаквост, поделбата на домашните обврски и неплатениот домашен труд “, изјави Слаѓан Пенев, претставник на Форум ЦСИД.

Според Ана Клесова, која е дел од граѓанската иницијатива која ги организираше работилниците, охрабрувањето на момчињата да учествуваат во завршувањето на домашните обврски може во иднина со сигурност да придонесе кон еднакво учество на мажите и на жените во сите области на општественото живеење, еднаков статус и третман во остварување на нивните права, како и еднакви придобивки од остварените резултати.

„Работилницата беше едукативна и продуктивна, и сакам да учествувам на повеќе вакви обуки. Прв пат ми беше да пеглам, но секако не и последен“, изјави еден од учесниците на работилницата.

Преку “Активни граѓани за добро владеење“, ФОРУМ-ЦСИД се стреми да ги информира и поттикне граѓаните да влијаат на процесот на донесување одлуки на локално ниво за што беа организирани обуки во сите плански региони. Обуките се наменети за сите кои покажуваат интерес за проширување на своето знаење на теми поврзани со мониторинг на локалната самоуправа и активирање на граѓани за решавање на локални проблеми. По обуките, учесниците добиваат можност да реализираат локални иницијативи за подигнување на свеста за решавање на тековните проблеми во нивниот регион или заедница.

ФОРУМ-ЦСИД од Скопје е посветена на истражување на стратегиските аспекти и политички решенија на актуелни и иновативни национални, регионални и европски прашања.

Американскиот народ преку УСАИД има инвестирано повеќе од 640 милиони долари во Северна Македонија од 1993 година досега. УСАИД е најзначајната меѓународна агенција за развој во светот и двигател кој води до резултати во развојот. Работата на УСАИД носи напредок во националната безбедност и економскиот просперитет на САД, ја покажува американската великодушност и на земјите со кои соработува им помага на патот до самостоен и стабилен развој. За повеќе информации посетете ги нашите веб и Facebook страници: https://www.usaid.gov/north-macedonia и https://www.facebook.com/USAIDNorthMacedonia/

Документ за јавни политики за непосредно учество на граѓаните во одлучувањето на локално ниво

Форум редакција — Wed, 26 Feb 2020 08:12:00 +0000

Форум – Центар за стратешки истражувања и документација (ЦСИД) е организација основана со цел да се вклучи во развојот на демократијата, поддршката на човековите права и меѓуетничките односи и да помогне во креирање на националните политики во сите сфери на општественото живеење и создавање услови за евроатлански интеграции. Центарот промовира издржани и спроведливи јавни политики, нуди поддршка на заедниците и ги помага реформите во разни области од јавните услуги. Овој документ за политики е дел од активностите на неформалната мрежа „Активни граѓани за добро владеење“, поддржана од Проектот на УСАИД за граѓанско учество.

Документот е креиран врз основа на истражувањето за користењето на формите за непосредно учество на граѓаните во одлучувањето на локално ниво, кое Форум ЦСИД го спроведе во партнерство со седум организации: Центар за едукација и развој од Теарце, Етнитети од Струга, Планетум од Струмица, Фондација за развој на локалната заедница од Штип, Сојуз за превентива против малолетничка деликвенција од Кавадарци, Младински иницијативи за дијалог и соработка од Битола и Граѓанскиот центар за одржлив развој ЕГРИ од Крива Паланка.

Една од главните цели на проектот „Активни граѓани за добро владеење“ е едуцирање на граѓаните за можностите за нивно активно вклучување во носењето одлуки поврзани со локалните проблеми. Поголемиот дел од партнерите во овој проект во своите искуства од спроведување активности поврзани со учеството на граѓаните во носењето одлуки на локално ниво се соочиле со проблемот на демотивација за активизам или недоволна верба во можноста граѓаните да влијаат врз одлуките на властите поради законските одредби што пропишуваат дека е потребно висок процент граѓани да бидат потпишани за поддршка на граѓански иницијативи и други облици на непосредно одлучување на граѓаните за прашања. Од таа причина, партнерите од „Активни граѓани за добро владеење“ одлучија да направат анализа на порепрезентативните случаи на граѓански иницијативи од сите плански региони во државата, со цел да отворат јавна дебата за потребите од промени во законската регулатива и во практиките на непосредно одлучување на ниво на локалните самоуправи.

Документот за јавни политики на македонски и албански јазик:

ДОКУМЕНТ ЗА ЈАВНИ ПОЛИТИКИ ЗА НЕПОСРЕДНО УЧЕСТВО НА ГРАЃАНИТЕ ВО ОДЛУЧУВАЊЕТО НА ЛОКАЛНО НИВО

DOKUMENT PËR POLITIKAT PUBLIKE PËR PJESMARRJE TË DREJTPËRDREJT TË QYTETARËVE NË VENDIMARRJE NË NIVEL LOKAL

Повик за учество на обука

Форум редакција — Mon, 07 Oct 2019 07:13:03 +0000

Здружението Форум – Центар за стратешки истражувања и документација од Скопје ги повикува сите заинтересирани лица од Југоисточен плански регион на Република Северна Македонија да се пријават за учество на обука во рамки на проектот „Активни граѓани за добро владеење“. Форум ЦСИД го спроведува овој проект во рамки на Проектот на УСАИД за граѓанско учество. Активностите во Југоисточниот регион ги спроведуваме во соработка со здружението „Планетум “ од Струмица.

Главна цел на обуката е граѓаните да се информираат и поттикнат да влијаат на процесот на донесување одлуки на локално ниво. Други важни теми кои ќе бидат третирани на обуката се: соработка меѓу локалната администрација и граѓаните; стекнување вештини за мониторинг и евалуација на јавните услуги; соодветна едукација за спроведување на акции и иницијативи; мониторирање на буџетите на општините; транспарентност и отчетност на локалната самоуправа; структура на општеството и улогата на граѓанскиот сектор; добро владеење; човекови права; вмрежување на групи со заеднички интереси и други.

На овој повик можат да се пријават сите заинтересирани членови на граѓански организации од Југоисточниот регион, претставници на локалните самоуправи во Југоисточниот регион, претставници на младински здруженија, маргинализирани групи, образовни институции, медиуми, и други засегнати заедници од Југоисточниот регион кои покажуваат интерес за проширување на своето знаење.

Избраните кандидати ќе имаат можност да бидат вклучени во идните активности на проектот „Активни граѓани за добро владеење“.

Обуката ќе се одржи од 15-17 ноември во хотел „Глигоров“ – Струмица.
Кандидатите е потребно да испратат кратка биографија и писмо за мотивација на македонски јазик, на адреса на координаторката на проектот Цветанка Михајловска: mihajlovska@forum-csrd.org.mk најдоцна до 26 октомври 2019 година.

Услови за пријавување:

Кандидатот да е од Југоисточен плански регион (Струмица, Дојран, Богданци, Гевгелија, Василево, Босилово, Ново Село, Радовиш, Конче, Валандово).
Да е на возраст од 18-40 години.

Бидејќи бројот на учесници на обуката е ограничен на 25 лица, ќе се направи селекција на кандидатите кои ќе учествуваат на обуката. При селекцијата на кандидатите посебно внимание ќе се посвети на родовиот баланс и на вклучување на претставници на малцинствата и маргинализираните заедници.

Трошоците за учесниците на обуката ќе бидат во целост покриени од Форум ЦСИД.
Ќе бидат контактирани само потенцијалните учесници на обуката во рок од 3 дена по истекот на рокот за пријавување.

Повикот можете да го преземете тука.

Градинката и основното училиште “Даме Груев” во Градско добија сензорна градина

Форум редакција — Wed, 26 Jun 2019 14:49:30 +0000

Денес, 26 јуни 2019 година, во дворот на градинката и основното училиште „Даме Груев“ во Градско беше отворена сензорна градина, прва од ваков вид во основно училиште во нашата држава. Oваа градина е наменета за зголемување на сетилните вештини и психомоториката кај децата од предучилишна возраст па сé до периодот на адолесценција. Сензорната градина претставува еден вид училница на отворено која што овозможува стимулација од широк спектар на сите сетила и е особено корисна за децата со посебни потреби.

Акцијата беше иницирана и реализирана од студентки на Институтот за дефектологија при Филозофскиот факултет во Скопје и Економскиот факултет при Европскиот универзитет во Скопје, жителки на општина Градско, во соработка со тимот на Форум – Центар за стратешки истражувања и документација (ЦСИД) од Скопје. Средувањето на теренот за изградба на сензорната градина го помогна и Општина Градско, а во иницијативата со свој придонес се вклучи и основното училиште.

Градоначалникот на Општина Градско, Роберт Башовски, изјави дека со голем предизвик општината ја поддржа иницијативата и со сите сили, финансиски и логистички, заедно со директорката на училиштето „Даме Груев“, Ленче Стојанова, помогнаа да се реализира сензорната градина и изрази задоволство што токму во Општина Градско е отворена ваков тип на училница од отворен тип која е меѓу првите во нашата држава.

Акцијата „Активни граѓани за добро владеење“ на Форум ЦСИД од Скопје е поддржана од Проектот на УСАИД за граѓанско учество.

Со оваа акција, ФОРУМ-ЦСИД се стреми да ги информира и поттикне граѓаните да влијаат на процесот на донесување одлуки на локално ниво за што беа организирани обуки за претставници на локалните самоуправи од сите плански региони во Република Македонија, младински здруженија, маргинализирани групи, образовни институции, медиуми. Обуките во рамките на оваа акција се наменети за сите кои покажуваат интерес за проширување на своето знаење на теми поврзани со мониторинг на локалната самоуправа и активирање на граѓани за решавање на локални проблеми. По обуките, учесниците добиваат можност да реализираат локални иницијативи за подигнување на свеста за решавање на тековните проблеми во нивниот регион или заедница.

Повик за учество на обука

Форум редакција — Wed, 05 Jun 2019 17:30:10 +0000

Здружението Форум – Центар за стратешки истражувања и документација од Скопје ги повикува сите заинтересирани лица од Пелагониски плански регион да се пријават за учество на обука во рамки на проектот „Активни граѓани за добро владеење“. Форум ЦСИД го спроведува овој проект во рамки на Проектот на УСАИД за граѓанско учество. Активностите во Пелагонискиот регион ги спроведуваме во соработка со здружението „Младински иницијативи за дијалог и соработка “ од Битола.

На овој повик можат да се пријават сите заинтерeсирани членови на граѓански организации од Пелагонискиот регион, претставници на локалните самоуправи во Пелагонискиот регион, претставници на младински здруженија, маргинализирани групи, образовни институции, медиуми, и други засегнати заедници од Пелагонискиот регион кои покажуваат интерес за проширување на своето знаење.

Обуката ќе се одржи од 05-07 јули во хотел „Монтана“ – Крушево.
Кандидатите е потребно да испратат кратка биографија и писмо за мотивација на македонски јазик, на адреса на координаторката на проектот Цветанка Михајловска: mihajlovska@forum-csrd.org.mk најдоцна до 20 јуни 2019 година.

Услови за пријавување:

Кандидатот да е од Пелагонискиот плански регион (Битола, Прилеп, Демир Хисар, Ресен, Кривогаштани, Новаци, Могила, Долнени, Крушево).
Да е на возраст од 18-40 години.

Обуката ќе се одржи на македонски јазик, а презентери на обуката ќе бидат истакнати обучувачи.

Трошоците за учесниците на обуката ќе бидат во целост покриени од ФОРУМ ЦСИД. Ќе бидат контактирани само потенцијалните учесници на обуката.

Повикот можете да го преземете тука.

Се одржа обука за претставници од Вардарскиот регион

Форум редакција — Wed, 20 Mar 2019 08:49:13 +0000

Од 15-17 март, во хотелот „Романтик“ во Велес се одржа обука во рамки на проектот „Активни граѓани за добро владеење“ која беше наменета за претставници од Вардарскиот плански регион. На обуката учествуваа млади активисти, студенти, членови на граѓански здруженија, но и претставници на образовни институции и општини од овој регион.

Учениците на оваа обука учеа од искусни обучувачи, и дискитураа на темите: транспарентност и отчетност на локалната самоуправа, учество на граѓаните во креирањето на локалните политики и важноста од соработката меѓу граѓаните и локалната адмистрација во градењето на добри општини. Се запознаа со чекорите во креирање и реализирање на една граѓанска иницијатива, со принципот на здружувањето како една од најважните алатки за граѓански активизам и за местото на граѓанинот на мапата на нашето ново и современо општество. Учесниците имаа можност да слушнат позитивни примери од успешни граѓански иницијативи и акциии од локални активисти и хуманитарци активни во Вардарскиот регион, г-ѓа Ленче Здравкин од Велес и г-дин Ѓорѓи Вареловски од Кавараци.Овој проект е поддржан од проектот на УСАИД за граѓанско учество.

Повик за учество на обука

Форум редакција — Mon, 11 Feb 2019 09:15:26 +0000

Здружението Форум – Центар за стратешки истражувања и документација од Скопје ги повикува сите заинтересирани лица од Вардарски плански регион на Република Македонија да се пријават за учество на обука во рамки на проектот „Активни граѓани за добро владеење“. Форум ЦСИД го спроведува овој проект во рамки на проектот на УСАИД за граѓанско учество. Активностите во Вардарскиот регион ги спроведуваме во соработка со здружението „Совет за превентива против малолетничка деликвенција – СППМД “ од Кавадарци.

На овој повик можат да се пријават сите заинтерeсирани членови на граѓански организации од Вардарскиот регион, претставници на локалните самоуправи во Вардарскиот регион, претставници на младински здруженија, маргинализирани групи, образовни институции, медиуми, и други засегнати заедници од Вардарскиот регион кои покажуваат интерес за проширување на своето знаење.

Обуката ќе се одржи од 15-17 март во хотел „Романтик“ – Велес.
Кандидатите е потребно да испратат кратка биографија и писмо за мотивација на македонски јазик, на адреса на координаторката на проектот Цветанка Михајловска: mihajlovska@forum-csrd.org.mk најдоцна до 26 февруари 2018 година (вторник).

Услови за пријавување:

Кандидатот да е од Вардарски плански регион (Велес, Кавадарци, Неготино, Чашка, Градско, Лозово, Демир Капија, Свети Николе, Росоман).
Да е на возраст од 18-40 години.

Обуката ќе се одржи на македонски јазик, а презентери на обуката ќе бидат истакнати обучувачи.

Повикот можете да го преземете тука.