Потпишан Меморандум за соработка со Општина Кавадарци

Денес во Општина Кавадарци беше потпишан Mеморандум за соработка помеѓу Форум ЦСИД и Општина Кавадарци. Двете страни ќе соработуваат во процесот на изработка на “Стратегија за соработка со граѓанскиот сектор 2021-2025 на Општина Кавадарци”.

Овој процес ќе има за цел да обезбеди инклузивност и учество на граѓанскиот сектор во процесите на дефинирање на развојните активности и иницијативи на Општина Кавадарци, како и да создаде предуслови за креирање на ефикасни партнерства за поттикнување на граѓанскиот активизам во општината и за развој на локалните граѓански организации.

Документот ќе биде подготвен од страна на здружението Форум ЦСИД  врз основа на процес на стратешко планирање со кој на консултативен и партиципативен начин, со значителна вклученост на граѓанските организации и општинската администрација ќе се идентификуваат сегашните и идните потреби на граѓанскиот сектор од Општина Кавадарци.

Кавадарци е првата општина од планираните три со кои Форум ЦСИД ќе соработува за изработка на стратегии. Оваа активност е дел од инстутуционалната поддршка на Форум ЦСИД преку програмата Civica Mobilitas